31/OCT

真係好好好好好好耐冇打過日記喇...............

今晚突然心癮起.......................

仲有兩個禮拜就過probation，感覺上好壞參半喇﹗﹗

公司既人算係唔錯，但奈何工作性質同埋...................................經常令我諗下「人生的確唔應該係咁」

日子一日一日咁過，朝早7點鬆d起身--->9點返到公司---->睇email、對資料、filing、影印、print野等等等---->一點出去食野----->2點返黎再重復----->6點半搭車走人----->返屋企食完飯沖埋涼就差唔多訓----->新的一天又是重復又重復呢個cycle...................一星期六日、一復如是........

(其實返工係咪真係咁樣咁機械式呢？定係我自己仲未適應？又或者係我自己諗法太幼稚呢？)

要尋找一下人生有咩野目標，咁搞法真係唔得掂

我唔會甘於係呢個位置，但奈何能見度= 0  

呢篇日記都比較灰d (各位別見怪^^)

呢排鍾意睇日劇，《十四的媽媽》、《一公升眼激》、《女王的教室》

特別係女王的大結局，十個正呀   
大家有時間一定要睇睇，真係有幾多感動位家﹗^^

係呢度要恭喜一位中學同學 (其實都係小學同學，冇記錯小二就相識家喇)

新婚快樂呀﹗^^

婚禮過後，一大班人去左cafe吹水，感覺唔錯，完全冇晒捒縛

之後大約三點幾先搭小巴返屋企

(夜晚一搭長途車，就會令我諗返去好多往事^^)

禮拜日(29/oct)同左班同事去屯門小欖bbq (感覺怪怪，好似格格不入咁樣、唔知點解....................)

之後搭261返屋企<-----同樣吧?#22812;晚長途車........

好灰好灰呀﹗^^

張學友 《你的名字、我的姓氏》

9/7/2006

「再次係球場倒下的我」 
回顧返個記綠…上一次拉傷應該係個多月前的事，係呢個多月黎，我一直好有信心、好有鬥志咁樣以為我的
腳終有一日會完完全全咁康復過黎。但今日，這個意志開始動搖了﹗

原本開始走得跑得的我，一心諗住差唔多應該好返，所以開始踢返下波，踢過幾場都冇乜事 (只係就住就住)
今日，我再一次倒下﹗

再受傷個一剎那，我痛到不能站著(比首次受傷的更為痛)，只是訓在地上「典」黎「典」去，全個腦海都係得
一個「痛」字，個一剎那我基本上聽不到身邊球員的話，只是痛痛痛痛痛...............

「典」左幾分鐘的我終於可以試下申直隻腳，結果最後都係要「十字車」

被抬上去的個一剎，百般感覺在心頭，好難形容﹗被送往醫院的途中，我只望著十字車的頂，我心其實有少少
想喊，喊並唔係因為痛到喊，而係心裏面突然諗到好多野﹗﹗

(在此多謝各位cappuccino的各位隊友係醫院陪我等的兩個多小時)，(更特別感激飛機事後的來電，雖然係短短
幾句，我已經覺得好感動，或者大家身同感受吧﹗多謝)

再一次倒下的我，最震憾的都係我的內心，「健康永遠比任何野來得重要」，我開始謹記呢句說話﹗﹗第二日，10/7/2006
我有時望住自己的腳，我都反反覆覆咁思量，「究竟會唔會完全好得返，好似未傷之前咁樣，有好多人都嚴重過我，
佢地都可以照好返後繼續激烈運動，咁我呢？」

可以的話，我希望隻腳會好返好似以前一樣，就算係永遠唔再踢波我都唔介意﹗

我而家唯一可以做的就係等等等等等等等、仲有咩野我可以做左而令隻腳快d好返>"<

再之倒下的我，(今次一定要堅定信念)，係未完完全全好返之前我一定唔會再踢波，唯有暫時同cappuccino講聲「
拜拜」

雖然我唔係話咩運動健將，但都算係熱愛運動，今次受傷對我的打擊都相當大，期待完完全全好返的一天(唔係只係冇晒痛)

「再次係球場倒下的我」，信心開始動搖了﹗T.T

30/5/2006

夜晚九點幾班fd叫我出去旺角唱k﹗﹗(又係唱k、又係旺角 ^'^")

約左旺中，好彩一條路就到﹗如果唔係就大獲...............

呢班陣容去唱k，都係第一次，幾新鮮﹗﹗

唱到五點幾搭火車返屋企，返到去落大雨…唯有雨中漫步吧.........

1/6/2006.

今日四人行落去cafe，完全未去過呢d地方，你估網吧咩﹗﹗

最頂癮就係山長水遠係上水去到銅鑼灣，去到係捉棋同吹水﹗^0^ 死未﹗﹗﹗

今日全日都係開心的一天，以下係輯錄幾件有趣的事﹗

1/. 到達了尖東站的我，竟然見到真係有人打劫，幾個男人追一個男人…好多人圍觀，可惜我腳不行，否則……啍啍啍^^"

2/. 貓貓cafe，真係有幾多隻貓周圍走，如果佢地跳上黎，我真係有少少不知所措呵﹗^^"

3/. 塔羅之謎，估唔到當中一個fd係識得玩，一開始半信半疑的我，到最後就變得十個相信﹗﹗

      3.1/ 健康：希望如祂所說，敏捷的日子會離我不遠，我還不想放棄心愛的足球

      3.2/ 愛情：確實有很多顧慮的地方﹗﹗ 

(仲有問過其他唔係太記得喇)

4/. 捉棋有人係咁俾我食佢隻棋，勁有趣^0^~v

5/. 完結又係影貼紙相吧﹗﹗

就此完結呢一日喇﹗﹗

方力申、鄧麗欣《十分‧愛》

18/5

今日係我踢波以黎受傷最嚴重的一次，膝頭哥受傷，受傷個一剎真係好痛，痛到行都行唔到…心好驚，諗希望唔好重蹈隊友的覆徹吧﹗﹗(我仲想繼續踢的)

19/5

一起身就收到sms，感激﹗

今日最擔心的事終於發生左，訓醒後的後遺症，隻腳好痛>"<

今日除左係腳痛外，亦有一件令我好心灰的事，有少少令我開始諗下「朋友」是甚麼﹗﹗

亦都多謝同道中人的慰問，真的有少許感動的﹗T.T

19/5---24/5

呢段時我幾乎係一日二十四小時都係留係屋企，俾隻腳休息一下﹗﹗

24號係我唯一亦都係最後的一科考試，考試就同學生生涯講byebye喇﹗﹗

Twins 《幼稚園》

考試後去左旺角食飯 (註：旺角真係又愛又恨，成日活動都係個度，但偏偏成日都唔記路>"<)

食飯都有講有笑，的確係開心﹗﹗

之後下半場又係同上次考完試咁樣去左旺角唱k……

一唱唱到5點9，雖然係得兩條「麻甩仔」去唱，但都好盡興，不經不覺已經做左四年同學了，時間真係過得好快﹗﹗

草蜢《我們》

去到旺角火車站，有個呀婆問我地路，佢講：「呀叔，請問xxx係咪咁去」

心諗：「呀婆妳冇野呀，叫我地呀叔，雖然一晚通宵係殘左好多者…>'<」

25/5

原本七點鐘落床訓的我，由於要巡迴過唱，十點已經起身準備出發旺角k lunch，又係旺角喇>"<

今次同第二班同學一齊去唱，感覺都不錯，幾開心家﹗^0^~v

唱完都3點，之後去左打機，一大班中最好就係估錯處﹗﹗

仲影埋貼紙相添<-------呢個活動我都好多冇試過了

之後去埋朗豪坊，去《仙xx》飲左杯野，幾好味的﹗不過成程我都冇乜點樣開口，因為開始體力下降到000000000了﹗^^"

26/5

呢三日同k真係有不解之緣，事關今次約左班中學同學唱k buffer，夜晚八點，一唱就唱到4點﹗﹗      真係巡迴演唱會﹗﹗

但每一次都好盡興，呢次都係﹗﹗好開心，回想起對上一次中學k，都唔知要數返幾多個年頭了^'^

上水之人，深宵時份，要回家中，必到旺中﹗^^   又係旺角亡命小巴了﹗﹗

誰不知我們的節目還沒完結，落住細雨的一天，我地四個0靚仔女去左一間茶樓飲早茶，問你死未﹗﹗全場都係呀叔呀婆個d，我地四個好似玩野咁﹗

飲下傾下都去到七點幾呀，我地傾左好多野，爭在沒話當年jar﹗﹗

28/5

受傷後過了一個禮拜的我，行動尚算自如，但仍然未可以跑動和蹲下﹗﹗(希望快d好返，可以踢波喇)

個幾晚的確好盡興，唔知幾時再可以咁樣癲返一晚哩

仍然未開始搵工的我，聽日就要有個新開始，先執靚仔份resume同application letter﹗﹗

希望搵到份好工﹗

p.s 一次過寫咁多，死唔斷氣咁樣，各位讀書請俾d耐性呀 (邊個會係讀者呢？haha)

17-20/4/2006

呢個禮拜 my grandmother 落左黎，日日都抽時間陪下佢喇，有一次佢問我：「你今年有冇24歲」 <---- 0.0  老人家咁問得都知佢背後的意思了................

的確，每次見到grandm & f ，都會諗起自己0靚仔時代的事

21/4/2006

今日好開心，開心在於係終於齊人喇 (大家心照喇我講緊乜)，其實離畢業日子唔係仲有好多，我會好好珍惜呢十幾日同大家相處的時間，希望大家都會有同感喇﹗﹗

最後兩份工課一齊合作，希望好頭好尾﹗﹗

*中間有可能遺漏好多野冇打﹗^^"

五月天《知足》<-------good song^^